EKLAVYA MODEL RESIDENTIAL SCHOOL (EMRS)

 

  • Eklavya Model Residential School (EMRS) hi Mizoram EMRS Society, Social Welfare & Tribal Affairs, Mizoram Sorkar hnuaiah enkawl (run) mek niin, NESTS, Ministry of Tribal Affairs chuan Tribal naupang zirna lamah an hnufual bik loh nan a thlawn vekin an lehkhazirna tur senso a rawn tum sak vek a ni.

 

  • Eklavya Model Residential School (EMRS) hi Residential School niin, Tribal naupang tan bik liau liau a thlawn vek a lehkhazirna hmun a ni a, Pawl 6 atang a intanin Pawl 12 thlena lehkha zirtheihna hmun a ni.

 

  • EMRS School naupangte hi a thlawn vekin school uniform, lehkhabu, bag, pen, pencil leh zirna atana mamawh tin reng chu inangkhat vek a pek an ni.

 

  • Mi hausa leh rethei fate thliar hrang lovin, Mizoram chhunga Mizo naupang tawh phawt chuan, khawi hmun atang pawh nise admission a tih theih vek a ni. Admission tih dawn hian seat a tam loh avangin Entrance Test leh Medical Examination an paltlang a ngai vek thung a ni.

 

  • CBSE hnuaiah affiliation tih a nih avangin CBSE syllabus chu rin a ni bawk a, India ram hmun hrang hrang a CBSE zirlaibute nen inangkhat veka zirtirna pek an ni.

 

  • EMRS school ah hian Trained Teacher ten naupangte hriatthiam theih turin uluk takin diagram leh practical in an zirtir thin a ni.

 

  • Naupangte hi enkawlna tha tak leh venhimna tha tak hnuaiah Zirtirna inangkhat vek a pek an ni a, naupangten hriselna lamah harsatna an nei a nih chuan school-ah hian Nurse pakhat in a awm chilh reng bawk a ni.

 

  • Tun dinhmuah EMRS 6 awm mek in chungte chu EMRSs Lunglei, Serchhip, Ngopa, Lawngtlai, Chawngte and Tuipangte an ni.